[Enklask nevez] Degadoù bloavezhioù-pad eo bet purerezh TotalEnergies Donez oc’h itrikañ war ar gumun

Splann ! - 09/12/2024

240122 Splann ! Ancienne Gare Ferroviaire Et Raffinerie TotalEnergies De Donges Crédits Samy Archimède Min
Setu fin un enklask hir-mat diwar-benn porzh Sant-Nazer (44). Enklasket hon eus diwar-benn koust denel al listri dudi, diskoachet penaos e vez lakaet en arvar yec’hed ar c’hopridi hag an annezidi abalamour d’ar saotradurioù industriel. Ha penaos ne vez ket graet mann gant ar Stad. Hiziv e kinnigomp deoc’h dizoleiñ istor Donez ha penaos eo deuet a-benn TotalEnergies da vezañ e pep lec’h.

Degadoù bloavezhioù-pad eo bet purerezh TotalEnergies Donez oc’h itrikañ war ar gumun a-bezh e-ser goprañ uhel e implijidi ha degas d’an annezidi gounidoù dreistordinal war an tailhoù. A-drugarez d’an d’an dra-se eo bet gouest ar greizenn eoul-gimiek da grignat tamm-ha-tamm ul lodenn gaer eus tachenn ar gumun hep na vefe bet savet re a reuz gant an annezidi. Padal eo en em gavet un niver bras a dud o vezañ o chom un nebeut kantadoù metradoù diouzh ar flammerennoù pe diouzh ar pentonioù, hag annezidi zo o deus bet ranket gwerzhañ darn eus o zachennoù.

Padal e vez tud Donez o vevañ dindan gourdrouz al lec’hienn Seveso, e-keit m’eo aet da get kazi an holl spletoù sokial. « Goude ar brezel e oa un emglev : gant ar burerezh e veze degaset implijoù ha savadoù diwar an tailhoù. En eskemm e veze saotradurioù ha noazadurioù all. Evel-just ez eus kalz a nebeutoc’h a saotradurioù hiriv an deiz eget na oa da neuze, met aet eo da get ar gounidoù a veze degaset gant ar burerezh », hervez François Cheneau, maer ar gumun.

N'hon eus ket gallet kadarnaat hoc'h enskrivadur.
Mersi bras ! Ret e vo deoc’h kadarnaat hoc’h enskrivadur dre glikañ war ar postel emaoc’h o vont da resev.

Koumanantit d'hon c'heleier

Resevit bep miz danvezioù nevez flamm dre vail ha bezit kelaouet eus hon enklaskoù nevez, e brezhoneg. Digoust eo !

{"prefetch":[{"source":"document","where":{"and":[{"href_matches":"\/*"},{"not":{"href_matches":["\/wp-*.php","\/wp-admin\/*","\/wp-content\/uploads\/*","\/wp-content\/*","\/wp-content\/plugins\/*","\/wp-content\/themes\/splann_v2\/*","\/*\\?(.+)"]}},{"not":{"selector_matches":"a[rel~=\"nofollow\"]"}},{"not":{"selector_matches":".no-prefetch, .no-prefetch a"}}]},"eagerness":"conservative"}]}