E-doug an enklask-mañ hon eus bet tro da gas un tregont bennak a bennadoù-kaoz, ur pemzek bennak diouto gant desaverien moc’h, pe gant tud bet oc’h

Ober ar vicher, izili ar C’hooperl evit lod outo. Etre miz Ebrel ha miz Du 2023 eo bet kaset ar pennadoù-kaoz-se da benn, pe dre bellgomz, pe en atantoù. Meur a wech eo aet aozerien ar pennad-mañ da Lambaol hag en trowardroioù evit gellet kas ar pennadoù-kaoz en-dro.

Diwar an 20 desaver moc’h bet tizhet eo bet asantet gant 14 outo respont deomp, met dindan guzh bepred, war-bouez ur saver moc’h hag ur merour eus ar C’hooperl.

Gellet hon eus bet kaozeal ivez gant pemp den, micherourien pe bet micherourien e labouradeg Lambaol hag e lec’hioù all perc’hennet gant ar C’hooperl. M’eo bet asantet gant lod eus ar sindikalourien toullañ kaozganeomp ez eo gant ma c’hellent chom dindan guzh, re all o doa nac’het diganeomp gellet komz diwar-benn an doareoù labour en o labouradeg. Un diouer a sklaerder a ziskouez splann pelec’h eo erru an divizoù sokial e diabarzh an embregerezh..

Evit gellet kaout resisadurioù diwar-benn an elfennoù bet diskoachet ganeomp e-doug hon enklask hon eus bet goulennet kaout tro da gomz gant meur a hini, merourien ar C’hooperl, prezidant kozh ar gevelouri, hag ar renerezh. N’eus ket fellet da rener ar gevelouri, Emmanuel Commault, eskemm ganeomp dre bellgomz. P’eo bet pedet dre vail renerezh ar c’hehentiñ he deus kaset ac’hanomp war-zu he danevell vloaziek RSE, hep reiñ tamm resisadur war hon goulennoù difer.

Dont a ra sifroù disoc’hoù ar c’hevredadoù diwar meur a gont sokial ha diwar gontoù startaet ar gevelouri hon oa bet dindan stumm ur Pdf evit ar bloavezhioù 2020 da 2023. Kartenn an is-gevredadoù zo bet renablet diwar an elfennoù bet daspugnet e diabarzh ar c’hontoù-se, ha dre-se n’heller ket lakaat war-wel ar prenadennoù zo bet kaset da benn nevez zo. Ez-ofisiel ec’h embann ar gevelouri e vefe 83 is-gevredad en holl.

Diazezet eo bet sifroù l’EBE ar broduerien moc’h diwar diaz roadennoù ar Memento a vez embannet bep bloaz gant Ministrerezh al Labour-douar, diwar gontoù al labourerien-douar o-unan.

Deuet eo an holl roadennoù diwar-benn ar prenañ atantoù zo bet tennet diwar un dielfennadur eus ar c’hontoù-se, ha diwar an teuliadoù melestradurel a c’heller kaout diwar-benn an atantoù-se…