Metan: Bec'h d'an atant

Julie Lallouet Geffroy, Raphael Baldos - 09/13/2022

Pennadoù an enklask

Digoradur

Pennadoù an enklask

Boest du

E-pad an enklask omp bet o furchal en kantadoù a deuliadoù, hag o vont e darempred gant dekvedoù a dud. N’eus nemet un nebeud anezhe a zo bet meneget e lodennoù an enklask.

Bet omp bet o sevel goulennoù da servijoù ar Stad, ar prefeti, an DREAL, an DDPP, hag an Aotrouniezh Endroel, met hep dont-a-benn da gaat atersadennoù, daoust da c’halvadennoù liesseurt. N’omp ket deuet a-benn kennebeut da gaat un atersadenn gant Ministrerezh al Labour-Douar.

N’eus ket bet tu dimp kaozeal eus kement-tra ‘zo tro-dro da afer ar metanaat, ken luziet eo, peogwir e ra ul liamm etre temoù disheñvel : labour-douar, energiezh, lastez. Divizet eo bet ganimp displegañ peseurt dalc’hoù ‘zo war al labour-douar, met hep gellout menegiñ pep tra. Setu perak n’omp ket bet o tiskoachañ kudennoù agronomek ar c’hoazadoù metanaat (les digestats), nag an dalc’hoù enerjetek.

Elfennoù lakaet a-gostez

Diskoachet e vez ganeomp pegent bresk eo kontroloù ar metanizerioù, hag an hent luziet ha droch a vez kemeret gant ar metanaat. Dibaoe 2020 memes tra, kaozioù ‘zo eus gwellaat merañ ar riskloù. E 2021, Lez ar c’hontoù ‘noa embannet ‘oa bet stummet implijidi breizhad ar Stad war ar metanaat e 2020. Krouet ‘zo bet e 2020 ul label ivez, label Qualimetha, da wellaat ar mod ma vez savet ar metanizerioù. Ur stummadur micherel ‘zo bet krouet ivez e lise labour-douar Pondi, en Nevez-Amzer 2021. Ha gant kevredigezh al labourerien-douar-metanizerien e Frañs eo bet savet ur garta war ar boazioù mat, ur garta ‘zo ret da zoujañ outi gant hec’h izili dibaoe 2019. Koulskoude, n’eo ket bet kavet ganimp tamm teuliad ebet a ziskouez ‘zo bet efedoù vad a-drugarez da seurt muzulioù dibaoe daou ‘loaz.

pennad1

Gall a rit pellgargañ amañ ar goulennoù ‘zo bet kaset da Vinistrerezh al Labour-Douar
- pdf | 1 pages
- 0.17 MB
pellgargañ
Pellgargit amañ ar goulennoù kaset da servijoù ar Stad e Breizh
- pdf | 1 pages
- 0.34 MB
pellgargañ

Cliquez sur le dessin pour l’agrandir
Image de couverture du volet N°2 de l'enquête Méthanisation Bretagne
Image de couverture du volet N°3 de l'enquête Méthanisation Bretagne
Image de couverture du volet N°4 de l'enquête Méthanisation Bretagne

Petra eo hon youl ?.

Falloc’h-fallañ ar jeu gant an endro er bed. Hag e soñj deomp eo ar c’hazetenniñ un ostilh da cheñch an traoù. Da dud ar vro da implij an titouroù embannet ganeomp a-benn bountañ war dilennidi ha kannaded

Arc’hantaouiñ

Paeet eo bet al labour-mañ 100 % gant tud voutin, dre chekenn pe dre al lec’hien Donorbox. Enklaskoù nevez ‘vo tu lañsan gant ar pezh ‘vo roet ganeoc’h. Tu zo tennañ 66 % eus an arc’hant roet diwar an talioù. Evit un donezon 100 € e vo paeet e gwirionez 34 € hepken ganeoc’h.

Ganeomp ne vo ket degemeret muioc’h a 10 % eus hon arc’hant digant ar memes kevredigezh pe aozadur : sed aze un doare da chom dieub ar muiañ posupl. Yalc’hadoù ivez na vezont ket digemeret ganeomp.

Enklask kaset da benn gant ar gazetennerien :

Julie Lallouët-Geffroy
Raphaël Baldos

skoazellet gant :

Julie Lallouët-Geffroy
Raphaël Baldos

Mersi bras da :

Gant Jean Leveugle eo bet graet an tresadennoù. Gant Gwenhael Perrin ha Maela Kloareg eo bet graet ar gartennoù. An enklask-mañ zo bet embannet digoust a-drugarez d’ar mediaoù a genlabour ganeomp : France 3 Breizh, Pobl Vreizh, Dispak, Mediapart, Reporterre, Basta ! ha rouedad Radio Breizh.